Durante o acto farase entrega da distinción "Mestre de Periodistas" a Antonio D. Olano a título póstumo, que será recollida pola súa familia.

ANTONIO DOMÍNGUEZ OLANO (Villalba, Lugo) traballou nos diarios El Alcázar e Pueblo. Como autor teatral estreou trinta obras en España e noutros países.

Foi corresponsal de guerra, colaborador da Cadena Ser durante 40 anos, guionista de cine e radio, poeta e biógrafo e amigo persoal de Pablo Picasso a quen dedicou parte da súa obra literaria, e Salvador Dalí. 

Foi comentarista taurino e cronista de Madrid. Escribiu, xunto ao seu mestre Borobó, a versión teatral da Bella Otero e colaborou en moitos xornais, diarios e semanais de Galicia, Barcelona e Madrid. 

Con Juan Pardo fixo comedias musicais e colaborou en "Galicia miña nai dos dous mares" con poemas de Ramón Cabanillas, Curros Enríquez, Rosalía de Castro e seus.

Foi galardoado co premio Antonio Machado de contos por "Trenes" e obtivo a Medalla de Galicia.

Entre as súas obras destaca "Guía secreta de Madrid"; os ensaios "Pecar en Madrid" e "Locos por la democracia"; a biografía "Yo soy el Pera"; as novelas "Los hombres se visten de plata", "La España del buitre", "Carta abierta a un muchacho diferente", "El Niño que bombardeó París"; e en teatro "Locos por la democracia", "Madrid. Pecado moral", "Las divinas·" e "Cara al sol con la chaqueta nueva".